Diverse

Det er heilt utruleg kor tida fyk. Dagane har hverken fått fleire timar eller eg mindre å gjera, men planane om å halda Plasset.no litt meir oppdatert har pressa seg oppover på ønskelista og følgade fått ein plass på prioriteringslista. Det er so kjekt når det plutseleg dukkar opp e-post frå andre likesinna der ute med tips og tilbakemeldingar osv, så no var eg plutseleg her igjen.

Tenkte å starta med ei kort oppdatering over dei tre siste åra, men samtidig fyrste åra på Plasset heima i vakre Herand.

Eg stortrives fortsatt i den "nye" jobben min og lære noko nytt kvar einaste dag. Eg fekk gå eit år på Mellomledarskulen via MEF der eg fekk ein topp start på livet i anleggsbransjen.

Heima på bruket har det endra seg ein del. Eg har fått veg til sjøen, ny kai og fått malt heile huset.

Eg har fått bygd hønsehus, ruga fram kyllingar og får no ferske egg servert kvar einaste dag.

Eg har fått røska opp i gamle bed, begynt å klippa eit større område med plen og planta rips, solbær, bringebær, jordbær, blåbær og plommetre.

Innimellom har eg pussa litt opp inne, malt stuer, kjøkken og bad, men eg elskar det gamle huset slik det er så her er det ikkje skjedd så mykje endå.

Eg har rukke å nyta masse. Fått meg kajakk, flotte turar til sjøs og til fjells eller berre rolege kveldar heima på plasset. Eg rett og slett elskar livet på landet og her har eg mogelegheit til å gjera draumane mine til verkjelegheit.  

I april 2018 måtte eg ta farvel med min aller beste ven, Bono, det vart eit stort tomrom på Plasset og i kvardagen. Sjølv om ingen nokon gong kan erstatta han, har Trulte klart å dekka tomrommet til det fulle og saman med Uglo og hønene er det liv stort sett døgnet rundt på Plasset.

Det var heilt kort oppsummert dei tre siste åra sidan førre innlegg. Planane framover er mange, og når eg ser tilbake på nettstaden her så går dei sakte, men sikkert i oppfyllelse ein etter ein. Eg satsar på det fortset slik og at eg kan dela dei med alle som måtte ynskja her på Plasset.no og kanskje igjen få tips, gode råd og tilbakemeldingar frå dåke der ute i den lille, fine verda vår.

-bente-

Dparadiset har vore ein fantastisk start på ny tilværelse her i vest. Eg elskar den nye jobben min, og stortrives med hus og ny heim. Det einaste som er negativt er at døgnet føles å ha endå mindre timar enn i aust, og sjølv der var eg i manko.

Det er lista opp og lista ned med planar, gjeremål og daglege sysler. Eg har difor kome fram til at eg ikkje kjem til å prioritera å bruka noko særleg tid på blogging. Instagram derimot, der har Plasset fått sin eigen stad og eg håpar dei som evt. måtte fylja med her inne heller heng på der. #plasset vil nok fyllast med store og små gleder, hus, heim, hage, hobby, dyr, natur osv osv. Rett og slett at det gode liv på landet har å by på.

-bente-

 

 

4 Comments

telenorSiste arbeidsdag. Nærmare 16 år sidan oppstarten i Kannik, Stavanger, er eg no snart til vegs ende i mi telehistorie. 16 lærerike, utfordrande, morsomme og fine år.

Dei ti fyrste fekk eg dela med mange fargerike, flotte folk i Stavanger, dei godt og vel fem siste her på Kongsvinger saman med endå fleire supre mennesker. Store deler av min nærmaste omgangskrets kan eg takka, Telenor for. Nære vener som vert med resten av livet. Noko eg set uendeleg stor pris på.

No ventar nye, spanande arbeidsoppgåver heima i Hardanger. Draumen om å kunna flytta heim til familie og venner i vakre Herand har vore der i mange år og då jobbtilbudet ramla ned i fanget mitt var det ikkje noko å tenkja på.

Tankane har nok "sege" litt på etter kvart, og eg ser eg også her kan takka Telenor som har gitt meg sjølvtillit og trua på at dette skal eg klara. Det har alltid vore rom for å feila, så lenge ein står på å gjere sitt beste. Samtidig har eg vorte tett fulgt opp med ros, tilbakemeldingar, veiledning og konstruktiv kritikk. Vorten kursa og fått bygd opp kunnskap rundt bla. dialog og kundeservice i særklasse. Ei erfaring eg set stor pris på å ha med meg vidare.

Så..takk kjære, Telenor, takk flotte venner og gode kollegaer! Takk for å ha gitt meg ballast til å ta fatt på eit nytt kapittel i livets fantastiske eventyr!

lass1
Langerudberget tidleg ein onsdagsmorgon. Snille pappen min har vore på besøk for å ordna både her og der før takstmann kjem i måro. Med seg tilbake til vestlandet har har full hengar med ting som er klar for ein ny tilværelse på andre sida av fjellet.

Eg gledar meg til å følga etter om nokon veker.